Cerita Banyumasan_Anake Kunting Sekolah Gratis
Lawas ora krungu kabare, Kunting siki wis ora pengangguran. Gemiyen, pegaweane Kunting ya mung mangan-turu, ngeburna dara, karo masang togel. Sepet bojone ninggal, Kunting mandan tobat. Siki, Kunting wis dadi pegawe nang warunge Mbok Sum. Kunting dadi pegawe tidak tetap alias pegaweane ora ajeg. Kadang nyapu, kadang ngumbaih, terus kadang jujug pesenan warung. Jane ya kesel pisan, tapi ya demi nggo nyekolahna anak wadon, Kunting kudu tetep kerja. Siki, anake Kunting sekolah nang SMA. Bar lulus SMP, Kunting prentah anake kon mbojo bae, tapi ora gelem. Anake pengin nglanjutna sekolah. Akhire, Kunting ya manut. Dina kiye, Kunting mangkat kerja kaya biasane. Bedane, siki ora sendalan. Wingi, Kunting kejungkel pas njunjung beras sekarung. Sendale pedhot. Katok andalane juga bedah pas nang gon selakangan. Bener-bener apes dina kue. Gara-gara ora sendalan, Kunting mlakune mandan aso. Soale dalan desane esih gragal. Lancip-lancip pisan. Butul warung, Kunting nyapu karo be